تجربتي مع دعاء الكرب

أحب أقلكم قصتي مع دعاء الكرب عشان يستفيد منها الجميع


في يوم من الأيام كنت عند الوالدة الله يحفظها،وكان يوم جمعة يعني تاني يوم مدارس،وانا عندي أولاد الله يحفظهم في المدارس،المهم قعدت عندها لليل أستنى زوجي عشان يردنا البيت،وفعلا أتصل بي وقال إنه رايح للحلاق ويجينا،وبدأنا نجهز حاجاتنا عشان نرجع البيت،لكن للأسف رجع أتصل علي وقال إنه صديقه أتصل عليه ويبغى يقابله وماعنده وقت إنه يجينا،يعني أستنوا إلين أخلص في وقت متأخر من الليل
أخويا ساكن في نفس العمارة مع أمي بس ما طلبت منه يوصلنا لأني قلت يكون نايم والوقت متأخر بلاش أصحيه وأخرجه من بيته،المهم قلت لأولادي ناموا وأول مايجي أبوكم أصحيكم،وطبعا كل اللي في البيت ناموا ،أمي وبنت أختي والشغالة،وبدأت أنا أقرأ دعاء الكرب بدون ما أوقف إلين ما غفلت عيني ودوبي بأدخل في النوم إلا وتلفون بيت أمي يدق،فتحت عيني ورديت أتفاجأت بصوت أخويا يقلي إنت مارحتي البيت؟؟قلتله الموضوع، قلي ليه ماقلتيلي أنا أوصلك إنت عارفة أولادك عندهم مدارس وماينفع تقلقيهم في نومهم لمن يجي زوجك في وقت متأخر يلا ألبسوا أنا أرجعكم
في السيارة بأسألوا كيف عرفت إتي مارحت؟قال أنا قلت خليني أطمن على باب العمارة مقفول ولا لأ! إلا ألاقي جزمكم "الله يكرمكم"موجودة عند شقة أمي فعرفت إنكم ما رحتوا

وفضلت أدعيلوا إنو ربي يفرج همه ويسخرله الصالحين في طريقه،لأني فعلا كنت في كرب وربي رسله عشان ينفسلي كربتي


هادي تجربتي مع دعاء الكرب

وصدق رسولنا الكريم عليه الصلاة والسلام لمن دلنا على هادا الدعاء