أود طرح مشكلة...

موضوع: أود طرح مشكلة... الأحد يوليو 12, 2009 12:11 am

السلام عليكم ورحمة الله وبركاته...

كيف الحال؟؟؟

عسى حياتكم عسل وأحلى إن شاء الله...

اليوم بس أبغى أعرف رأيكم في المشكلة اللي صايرة معي...

مشكلتي تجي في "طيبة القلب"

أدري إنه الموضوع أنطرح قبل كده..لكن راح أتكلم عن نفسي ، يمكن هدا يخفف المعاناة اللي في نفسي!

يمكن البعض يسأل: إيش المشكلة في طيبة القلب؟

مشكلتي فيها في الاستغلال

كل واحد يقدر يضغط علي في وقت قصير..ومن تأثري بشكل اللي يكلمني وشدة إلحاحه

أضطر إني أسوي شي أو أعطيه شي ما كنت أبغى أعطيه إياه

طبعاً هدا كله في وقت قصير مرة...

وكل واحد يطنشني -إلا من رحم الله- وما يهتم بالوعيد اللي أتوعده إياه..لأنهم كلهم يعرفوا إني اليوم اللي بعده يا أنسى الموضوع ، أو أستنسي الموضوع أنا بنفسي من إشفاقي عليه حتى لو ما كان يستحق الشفقة

والنتيجة اللي حصلت عليها: عدم الاحترام.

فصاروا يضايقوني في كل ش حتى بالضرب..مع إني ما أضربهم ،لكن هم يعرفوا إني ما أضرب دايماً

لكن مع كده..كنت أستمرعلى الوضع اللي أنا فيه...

إلين جا يوم صار معايا نفس لشي..ضرب وأذية وغيرهم.

فجأة أنفجرت في وجههم بالزعيق والضرب.وهدا أنا اللي ما أضرب في العادة-

لدرجة إنهم ماأتوقعوا الشي هدا مني..بعضهم قال:

إيش صارله؟؟؟

معناه هم مستغلين طيبتي معاهم...

لكن والله فكرت إني أستمر معاهم في أسلوب الزعيق والضرب إلين أروح من عندهم...

لكنهم وبكل ثقة..ما أهتموا..لأنهم عارفين إني اليوم التاني راح أنسى الموضوع يعني راح أنساه...

والله جا اليوم اللي بعده وما قدرت أستمر في هدا الوضع ونسيت الوعيد اللي أتوعدتهم هو..وأتكلمت معاهم رجعت لأسلوبي القديم

فما عرفت..أبقى على أسلوبي القديم؟؟؟

ولا أستمر على الأسلوب الجديد؟؟؟ -رغم إني حاولت أستمر عليه..لكن والله ما قدرت إلا إني أرجع لحالي المعتادة-

الناس اللي بتعامل معاها وأتكلمت عنها.ما ترضى لا بالوسط ولا بالشدة..ما يبغوا إلا الطيبة إلا لأكون فيها مستغل وبس

بس أبغى رأيكم..والحل

مشكور على النقاش
الشخص المفروض ما يكون مره قلبه طيب ولا يروووح فيها ،الناس يضربوه و يزعقوا و يسووا اللي يبغوا يسووه
يقولوا يلا قلبه طيب و يسامح يقوموا يستغلوه
ولا إنو مره يكون شديد و ما في غير يزعق و يضرب كدا هم راح ياخدو فكرة سيئة عنه و يتغيروا عليه
أما إذا كان وسطي بين الشدة وطيبة القلب كده يكون متوازن ما يتعرض للضرب الكثير و لا يبعد الناس عنه
و بعدين يعني إذا أحد قال له أعطيني شي مثلا أو أي حاجة هو ما يبغى يعطيها له مو على طول يسمع كلامه ويقول خليني أعطيه هو يحتاجها و كده
لا
لازم يفكر هل فعلا أنا أبغى أعطيله هادا الشي ؟؟ لازم ما تسيطر عليه طيبة قلبه لأنه ممكن توديه في أشياء طويلة عريضة مالها آخر عشان كده مو أي شي أحد يطلبه منه يعطيه

و أهم شي الواحد يفكر قبل ما يقول شي أو يعطي شي لأنه التفكير مهم

و لو كان الواحد يبغى يغير سلوكه لازم يغيره بالتدريج ما يغيره فجأة لأنه لو غيره فجأة أول شي راح يلفت انتباه الآخرين بتغير سلوكه المفاجئ و كمان راح يرجع له لأنه تركه فجأة

لكن بالتدريج الواحد يتعود على السلوك هادا

هادا رأيي في الموضوع

مشكلة عانيت منها كتير وما زلت أعاني منها طيبة القلب واستغلالها من بعض الناس اللي مايقدروا،بس بصراحة قررت زي ما قالت الأخت لآلئ إني أغير من نفسي بالتدريج لكن بتواجهني صعوبة كبيرة لأنه الأمر مو بالسهولة دي بالذات إذا الموضوع متمكن من الشخص
مشكور أخ الخيال على النقاش وربي يفك أزمتك وأزمتي

صراحة المشكلة هذي ما يبغالها إلا حزم يعني ييكون حازم مع نفسه بأن ما يتراجع في قراره و تغلبه الطيبة و يكون حازم مع الآخرين في إبداء رغبته و آراءه و إذا كنت من النوع اللي ينسى أكتب الشي اللي تبغى تذكره في ورقة تكون قدامك أو في مكان تراه كثيرا عشان ما تنسى قرارك مع نفسك و كده راح تتعود و أنا أأيد كلامك يا لآلئ و مشكور على الموضوع

نفس مشكلتي ،، بس أنا أحاول قد ما أقدر أغير من شخصيتي ولو غيرت النــاس كلهاا عارفة عن طيبة قلبي بس عاااااااااااااااااااااااااااااااااااااااادي إنت لاتغير طيبة قلبك وكل الناس مهما أستغلوك يحبوك ،،،
لأن الطيب بين الناس محبــــوب ،،وحاول قد ماتقدر تخلي الناس ماتستغل طيبة قلبك ،،،،،،،،،،،،،،

والله يعيــــــــــينك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،